Kwa mujibu wa idara ya kimataifa ya Shirika la Habari la Hawza, Papa Leo wa Kumi na Nne alitambulishwa rasmi kuwa kiongozi mpya wa Kanisa Katoliki katika hafla ya kifahari iliyofanyika tarehe 18 Mei 2025 katika Uwanja wa Mtakatifu Petro, Vatikani. Takriban watu 200,000 walihudhuria hafla hiyo, wakiwemo viongozi mashuhuri wa kimataifa. Papa Leo, ambaye hapo awali alikuwa Kardinali Robert Prevost, ni Papa wa kwanza mwenye asili ya Marekani na uraia wa Peru. Alizaliwa mjini Chicago na amewahi kuwa mmisionari wa kidini nchini Peru kwa miaka kadhaa.

Katika hotuba aliyotoa kwa lugha ya Kiitaliano, Papa Leo alisisitiza juu ya umoja ndani ya Kanisa na akaahidi kuwa "mtumishi mwaminifu" na kujiepusha na utawala wa kiimla. Pia alitangaza kuwa atauendeleza mwelekeo wa Papa Francis katika nyanja za haki ya kijamii, kupambana na umaskini, na kulinda mazingira. Papa Leo, kwa kutaja tofauti zilizosalia kutoka kipindi cha Papa Francis - hasa miongoni mwa wahafidhina - aliwahakikishia watu kuwa urithi na maadili ya kitamaduni ya Kanisa yatahifadhiwa.